الحر بالغمزة ... تبهلة خرافة البوهالي

الحر بالغمزة ...
تبهلة خرافة البوهالي
Sawla.mohamed@hotmail.com
شديت الطريق وقلت هذي هي اللي بغيت
لقيت راسي وسط ميات لوية وحدورة وحافة
قلت نبرك بحالي بحال الناس حتى نشوف قدامي
ساعة اللي احصل كان كلو كذوب و خرافة
ناس تيهدرو فكل شي
ناس تياكلوعرق بنادم
ناس خف من الفرشي
ناس قولهم وفعلهم تقادم
ناس من عيوبهم مخزونين فبزاطم
ناس باعو وشراو وخلاو بعضين تتزاحم
ناس قلبو الفستة بقرعة ماتطيح في اندم
ناس وعلاش عليك بدات تخمم
في الباب اللي يجي منو الهوا تسدو وتكتم
لحقاش ماعندها ما تربح وماتخسر غير الهم
هو اللي ولى ليوم عند بعض الفهايمية يترجم
ها أنا ليوم قلت كلامي المرصع في الميزان
وهاهما صارو ينعتوني بالبوهالي ولد حديدان
واحد
واقف على رجليه
زوج
عندو رجل وحدة والثانية خشبة
ثلاثة
زادوه رجل من الحديد
أربعة
ولى حاشا اسيادي بهمة
خمسة
ماتلى ينفعو غير لسانو باعو بعضة في الما
ياويل من سرج خيلو بالوهم
واركب على والو
...........
واحد المرة حكى لي صاحبي وقال:
كان تيجي لعندو
وتيتعاطى معاه
فكل شي من هذاك اللي على بال كل وحد منا
كان تيبغي يبين باللي راه فاهم وعايق اكثر من القياس
ساعة ليوم ولى يمسح بعينيه الوقت وينشف رجليه المثلوجة
كل ما تيحمل بين يديه غير الريح والغبرا
وهذاك الظلام اللي عساس عليه
آش هذا تبهلة
ولى يعرف يهدر
ويقرا ويكتب
واش بعدة عندو الشهادة
شحال منهم تصنع ليه كرسي
وهو بحال عروسة ماعارفة فين ترسي
تيبصم على الحلال والحرام
من كثرة الشطون
تخلط ليه الدم بالعرام
وباع ذاتو وتسالى ليه الكلام
وبدا على الشطيح والزديح
وتزيار أو حلان الحزام
ياك ما دار يدو في العصيدة
وما حس بوالو
ياك ما نفخ على الرماد
وما لقى غير حثالو
..........
الراديو تيتحرك بالما
والتلفازة موس
الجورنال واقف على الكلمة
ولانترنيت عتروس
هاك اللي بغيتي من عندي
وآرا الحريرة والتمر والشباكية
راه تيطل وباغي يقول شي حاجة
افتح ليه الباب وخليه يكمل كلامو
يمكن يكون فيه ومنو الطايلة
..........
تشهيت نقول كلام بحال الليل
بحال الشجرة لما تتنضج وتعطي الظل
بحال السما كتبان قريبة لما نبغيها
والشمس لما تتخزن ورا السحاب
وتتشير لي بمنديل من الظلمة
ماقريت غيرحساب الهتوف
مامشيت غير بالصفوف
ماشطحت غير على الدفوف
ماطلبت غير بالكفوف
ماحاربت غير بالسيوف
واش إيلا بغى المكفوف
يشوف بيديه
لازم ليه من عصا توريه
احسب شحال باقي لي
احسب لي وانا نجمع ليك الباقي
احسب قبل ما يتسالى العد
احسب كل الداخل والخارج
احسب واللي رابح ليوم
يمكن يكون غدة خاسر
والخاسر فهذا الوقت رابح
رابح بسكاتو
وفسكاتو حكمة
ما تيعرفهاش الهدار مول القيل والقال
تيفهمها هذاك اللي يديه على قلبو
لما تيطيح صاحبو فأزمة .

الحر بالغمزة كلام الليل

الحر بالغمزة

كلام الليل

محمد صولة

Sawla.mohamed@hotmail.com

قوات الهضرة هذا الأيام

على والو

وهااحنا مازالين

شحال تسنينا نديرو شي حاجة

نبنيوالخيمة تاعنا اللي بغينا

ونسقيوالطعام بمغرف وحدة

ساعة الوقت اخسر

وخسرو فيه الناس

إيه هذوك اللي على عينيك

تيشوفو غير بالجنب

وما عمرهم شافو توالنا

احنا اللي قادينا ليهم الطريق

وركبنا ليهم حتى الطروطوار

وغير لقاوها مصايبة كيف بغاو

وهما يدغدغو اعظامنا

ماتلينا قادين على كلام

مابغينا نتحاشمو مع حد

مات لينا الحوت والأحلام

وفاض الما اللي كان عاني بيه السد

وتقاضى الفهم اللي بغينا من زمان

ياك هذوك اللي هما هما

واحنا اللي هزنا الما

كيف بغيتي تغزل احلامك من خيوط البكا

كيف بغيتي تنقي خيالك وانت طايح فغيسة

كيف بغيتي تكون بحال بنادم ما ترد كلمتو ايلا شكا

كيف بغيتي تكون حلو عسل وانت مشرمل فهريسة

انت الحكا انت الحسكة

انت ماخيبك بتفرنيسة انت ليهم فريسة

واش شفت آش اوقع؟

واقيلة ماشفت والو

أنا اللي شفت ما يزا

قالو دارو هما شي حاجة

ويمكن باضت لالة دجاجة

الشارع اللي كان مجرح بالوسخ

وكان فيه اللعب الصغير والكبير

فرشوه بالنوارالمرشوش بريحة البلاستيك

بعضين تقياولسانهم وما بقا ليهم من مخ

وبعضين نزل عليهم الدق والدمير

واخرين استحلاو الدليك والهليك

هاك وارا

آرا وهاك

فيفتي فيفتي

اضحك ليا نضحك ليك

لاش البكا وسط الزحام

شد يديك واحذر عينيك

الكلام عليك

وانا هذا الكلام عياني

وكل صحابي خسرتهم

ياخسارتي فاصحابي اللي ولاويتباعو ويتشراو

منهم الشمس اللي ماولات بحال زمان

ومنهم القمرة اللي طفات باللي كان

هذا الهضرة بزاف عليا ياخويا

من كنت اصغير وانا براني

ولما كبرت ضاق بيا الحال

وبديت نحسب ونغوت

واحد

عشرة

عشرين

مية

ألف

مليون

وانا عارف باللي ماتيحسب غير المزلوط

ايوا ياك نجحت في الإمتحان

وخديت الباك

وغادي تكمل قرايتك وتولي شي حاجة

بحال شي ناس اللي قراولهيه

ويمكن تلقى راسك ياولدي معطل بديبلومك قدام البرلمان

علاش عليك

وليت تعرف تحسب

باركة عليك

وتكتب

حيت ايلا جات شي برية للدوار تقراها للقبيلة

راه الناس بحرا تتقلب على الخبز وصافي

وانت خصك تفك ليهم هذا الجدول اللي ما عرفو ليه

إيه واش شفت فين كنا وفين ولينا؟

........

.......

ماتحتاجش تبيع راسك

ماتحتاجش تشري ناسك

بحال لبارح

بحال ليوم

موهوم اللي يمشي حفيان على رجليه

ويتصور نفسو انسر طاير بجنحيه

حدك تمارررررررة

هز راسك من العز المغشوش

وخليك غادي على جوج بحال ديما

يمكن تربح وتغير حياتك الذميمة .

حوار مع القاص محمد الشايب

أصبحت القصة القصيرة كجنس أدبي، تحتل مكانة كبيرة في جسم الثقافة المغربية خاصة والعربية عامة،
وفي إطار الإحتفاء المتزايد بشغبها الجميل، بدأ الإهتمام بها إبداعا ونقدا ودراسة، وتفردت بها جمعيات ومجموعات وأولتها الحظوة اللازمة ، لذلك استطاعت أن تختزل أسئلة المرحلة وعنف التعبير عنها، ومن هذا المنطلق، اختلسنا لحظة حاورنا فيها القاص المبدع محمد الشايب على هامش الملتقى السابع للقصة القصيرة بمشرع بلقصيري.
ـ الأخ القاص ومنسق الملتقى محمد الشايب كيف كانت بداية خلق فكرة الاحتفاء
بالقصة القصيرة ؟
كما تعلم الأخ محمد صولة فجمعية النجم الأحمر للتربية و الثقافة و التنمية
الاجتماعية ذات اهتمامات متعددة ، فهي تنظم أنشطة متنوعة على امتداد السنة
فيها ما هو تربوي و ما هو تنموي و ما هو ثقافي و داخل الثقافي نفسه تتعدد
الأنشطة ، و لما لاحظت الجمعية أن القصة القصيرة في المغرب تعرف دينامية
بارزة على مستوى النشر ، و نظرا لوجود قصاصين داخل الجمعية، ووجود
علاقات للنجم الأحمر مع قصاصين مغاربة بارزين خاصة القاص المغربي
أحمد بوزفور الذي سبق للجمعية أن نظمت لقاء مفتوحا معه قبل انبثاق فكرة
الملتقى، و خلق جائزة باسمه ، كل هذه الأسباب ساهمت في تأسيس هذا التقليد
الثقافي السنوي المتمثل في الملتقى الوطني للقصة القصيرة الذي شرعت الجمعية
في تنظيمه منذ 2004 و بلغ الآن دورته السابعة
ـ القصة القصيرة أصبحت في المشهد الثقافي المغربي كظاهرة سردية، كيف ترون هذا الاهتمام المتزايد ؟
القصة القصيرة في المغرب الآن تساهم بقسط وافر في تحريك الساحة الثقافية
و تشهد حركية دائمة من حيث عدد الإصدارات الذي يتزايد باستمرار و من حيث
ظهور أسماء جديدة انضافت إلى الأسماء السابقة و من حيث تأسيس عدة إطارات
تعنى بالقصة، مما جعل هذا الجنس الأدبي الحديث،الذي طالما عانى من التهميش
يحظى بالاهتمام الآن ، و تنظم له ملتقيات عديدة.
ـ هناك رهان بلا شك تشتغلون عليه
نرجو أن نعرف الطموح الذي تودون
إنجازه ؟
نطمح طموحا جامحا نحو تطوير ملتقى مشرع بلقصيري للقصة القصيرة
و تكريسه تقليدا ثقافيا وطنيا و محجا حقيقيا للأهل القصة
ونتمنى أن تسعفنا الظروف المالية و المعنوية لتحقيق هذا الحلم الذي يراود كافة أعضاء الجمعية

ـ سبق أن أصدرتم مجموعتين قصصيتين " دخان ورماد" 2000و"توازيات"2005
ما هي مشاريعكم القصصية المستقبلية ؟
بالنسبة لي ستصدر لي في الشهور المقبلة إن شاء الله مجموعة قصصية ثالثة
و فيما يخص الجمعية ، فهي تعمل جاهدة من أجل تطوير ملتقاها الوطني للقصة
القصيرة رغم غياب كل أشكال الدعم المادي الرسمي، إذ لا تعتمد الجمعية في
تنظيم هذا الملتقى سوى على بعض التبرعات من طرف بعض سكان مدينة
بلقصيري وعلى التشجيع المعنوي و الأدبي الذي نلقاه من بعض أصدقائنا
خاصة مجموعة البحث في القصة القصيرة بالمغرب و بالأخص من طرف
المبدع الكبير أحمد بوزفور
ـ أعلنتم أنه في الملتقى الثامن للقصة القصيرة ستكون دورته خاصة بالقاصة
المرحومة مليكة مستظرف، هل هذه الفكرة جاءت من شيخ القصة سي أحمد بوزفور؟
هل توضح أكثر؟
كما جرت العادة، و على هامش الملتقى السابع تم فتح نقاش مع أصدقاء الجمعية
حول الإسم الذي ستحمله الدورة المقبلة، وقد اقترحت الجمعية مليكة مستظرف،
فوجد هذا الاقتراح تشجيعا و ترحيبا من طرف أصدقائنا و منهم بطبيعة الحال سي
أحمد بوزفور.
ـ جمعية النجم الأحمر هي جمعية ثقافية لكن لماذا القصة القصيرة بالذات ؟
لأن القصة القصيرة جنس أدبي جميل و مشاغب ،و لأنه يعرف نشاطا حاليا
على أكثر من صعيد، و لأنه أيضا مهمش من طرف المؤسسات الثقافية
ذات الإمكانيات المادية المتوفرة. .
ـ سؤال لم أطرحه و تنتظره مني في الأخير ؟
أظن الأخ المبدع محمد صولة أنك طرحت أسئلة وجيهة، فتحية لك على هذا
الإهتمام و هذا التشجيع و شكرا جزيلا

حاوره محمد صولة

جمعية النجم الأحمر تحتفي بالقصة القصيرة على عادتها في ملتقاها السابع

جمعية النجم الأحمر تحتفي بالقصة القصيرة على عادتها في ملتقاها السابع
خلدت جمعية النجم الأحمر للتربية والثقافة والتنمية الإجتماعية احتفالها السنوي أيام 07 / 08 /09 ماي من سنة 2010 ، محتفية في دورتها السابعة بسادن القصة وراهبها الأستاذ عبد الجبار السحيمي، ألقيت كلمات من طرف نائب الخليفة ورئيس مجلس دار الشباب مشرع بلقصيري، وبعد الكلمة الترحيبية التي ألقاها السيد بنعيسى الشايب، افتتح الملتقى بعرض شريط حول مسار عبد الجبار السحيمي القاص والصحفي، فقدمت الهدايا الرمزية من طرف الجمعية للسيد عبد الله البقالي، كنائب عن القاص المحتفى به‘ تلتها بعد ذلك قراءات قصصية لكل من أحمد بوزفور ومحمد صوف وعبد الحميد الغرباوي والزهرة رميج، وبعد وقفة استراحة تمت ندوة خصصت لموضوع " عبد الجبار السحيمي الإنسان والأديب والصحافي" قدمت فيها أوراق من طرف الناقد قاسم مرغاطا والناقد نجيب العوفي والصحفي عبد الله البقالي والناقد والقاص والروائي محمد أمنصور والقاص محمد الحاضي، فيما كانت في التنسيق الكاتبة ليلى الشافعي ، وفي اليوم الثاني كان الحضوروالمشاركون مع ندوة " القصة والصحافة"، أدارها القاص محمد الشايب، وناقش فيها النقاد والأدباء علاقة السرد بالصحافة ، مع أهم المكتسبات التي منحتها الصحافة للقصة والعكس كذلك ، فكانت مداخلات كل من الدكتور حسن لشكر في مسألة التوظيف الصحفي في السرد العربي ، وقد قدم نماذج من نصوص الكاتب صنع الله إبراهيم ـ ذات وتلك الرائحة وبيروت بيروت ونجمة أغسطس واللجنة وشرف ـ ، أما الدكتور الحبيب الدايم ربي فقد ركز على قصة الصحافة وصحافة القصة ، معتمدا على تحليل العلاقة التاريخية للقصة من القصة المسلسلة إلى القصة القصيرة إلى القصة القصيرة جدا إلى النصوص الإلكترونية التشعبية،في حين ناقش الدكتورأحمد لطف الله تجليات الفنون النشكيلية في القصة القصيرة، من خلال مفارقات عدة: الإشراف على الملاحق الثقافية ، أو القاص وهو ينشر نصوصه، واختتم بتأملات في القصة بالصحافة والمجلات ..، كما تدخل القاص والروائي عبد الحميد الغرباوي محللا دور الصحافة في تطور القصة القصيرة أو انتشارها،وذلك من خلال مجلات كالآداب وغيرها...
وفي مساء اليوم الثاني كانت القراءات القصصية للقصاصين على التوالي: حسن إغلان ـ مصطفى لكليتي ـ السعدية الصوصيني ـ عبد الله المتقي ـ جبران كرناوي ـ إبراهيم ديب ـ لحسن أيت ياسين ـ سعيد شقيري ـ مليكة صراري ـ إسماعيل بويحياوي ـ إبراهيم أبويه ـ غبد الغني الصراض ـ محمد الصباري ـ شكيب عبد الحميد إبراهيم الحجري ـ عبد الواحد كفيح ـ محمد الحافظي ـ أحمد شكر ـ محمد أيت حنا ـ محمد لغوبي ـ إدريس خالي ـ محمد صولة ـ السعدية باحدة ـ محمد أكراط ـ إدريس واغيش ـ مصطفى المودن ـ محمد بقاش، وقد صاحب هذه القراءات أستاذ الموسيقى عبد الحي العيوني من معهد وجدة ،مع معرض لسعد الحاضي،
وانتهي الملتقى في اليوم الثالث، بأوراش للأطفال وهم يغازلون القصة ببراءتهم الملائكية وبداياتهم العفوية، و بالإعلان عن نتائج الفائزين في مسابقة أحمد بوزفور للقصة القصيرة، وهم :
ـ الجائزة الأولى: رجل يغادر شقته لعبد السميع صابر من الداخلة.
ـ الجائزة الثانية: ذاك الرجل لهبة الله حسن السيد من مصر .
ـ الجائزة الثالثة: جموح الخيال لمنصف بندحمان من سلا .
إعداد المتابعة: محمد صولة
الحر بالغمزة ...
المدينة اللي هناك
محمد صولة
Sawla.mohamed@hotmail.com
توحشتك يامدينة بزاف
بغيت نشوف ماك يتشرب في الغراف
بغيت نلبس بلغة مصنوعة بيد الطراف
بغيت نتحلى حتى أن بدمالج الصراف
بغيت ننعس ف احضان الشراف
اللي ما كانوا يخافو من ظلهم
أو ديك اللي حاملة صورة لاراف
أما شباب اليوم ولى طاجين مثقوب
معلق ف صفصاف
على زنافرو مكبوب
وبصهد زمانو مغلوب
تيقفقف بحال إيلا ضاربو بوتفتاف
ما بقى ليه والي
وما بقى فيه ما يتشاف
ياك آسيدي، واش فيك ما يتعاف؟
سكناتك المدينة
من ايام زمان
وقت اللي كان الليمون دايزو الكلام
وكانت الغلة حلوة على طرف كل لسان
وكانت القراية بالتاويل
وكان الحلم يتحقق بحال ذهب الميزان
ليوم ولى شي بايع راسو فابور
وشي ضيع سبع ايام د الباكور
ولاخر جار ومجرور
ياك بعدة
تزادت الغدة
وطوالت المدة
وفين غادي يامسكين بلا عدة
نسولك على هذاك اللي وصل قبل وقتو
وطاحت نوارتو
ما حينت الضربة جاية جاية
غير احض راسك مزيان
أو شوف يمكن تجي فيك النيت
لحقاش الإنسان تغير من راسو
وتاه بلا عقل
يربط بيه مايشد
في ايام المحنة والجد
وكيف نقول كل شي تمدن أو تبلد
وما بقينا عارفين من البو أو الجد
واش الوقت بغات هذا الحد
أواحنا ما تلينا قادين على جهد
لابد الصباح ما يصباح
والشمعة اللي تتحرق
تضوي على شحال من هما
مذمومة صورتك لما تنشوفها عندي
نتوسدها ، ونجبدها بيدي
نغطيها بذاتي
هي عيدي
مذمومة، وشحال زوينة
هذا الدنيا الفانية
العايبة الماكرة
اللي ما عندها لا ساس و لاراس
حرام تكون فيها الكاينة
ومنها تتخرج السلعة ما تشبه لخوتها
اهدف يالهداف
واشتف يالشتاف
راني عييت ما نجري بحال الناس
ساقني برد سخون
طيبني على كانون
العافية فيه فحلة
تكوي وتبخ
واش هذا الحصلة
بلا موجب اشرع
ياك تساوى الميزان
بلا وترة وبلا آرا برع
اشطح وازدح
دردك وزيد
وبلا ما تجرح
الحساب يا مولة نوبة تالي
كل ما عندك درتيه
واللي بغيتيه ما ريتيه
شلى كلام يتقال فهذا الوقت
وشلى امسخ ما يداوا بالصبر
اللي فجهدك ديرو
يمكن نوصلو لشي حاجة تجمعنا
واحنا اللي تفرقنا من زمان
على والو
على ذيك الحكاية اللي بقات بلا نهاية
خسرات الوقت وتشوهات
دمرات الأحوال وتخربات
واش نقولورايبة رايبة
وكلها يهز عمود
لا ياسيدي حشومة
الدم إيلا اخنز يهزوه اماليه
والوقت الزينة إيلا مشات ما تولي
شوف وكان
يمكن يفيض الواد
وتزيان الأيام
ويغيت العالي
ماتخصمناش
دابا نشوف هذا السعد
اللي زرعو مدري بالمداري
وهاآنا وهاآنت يامدينة

صولة محمد

الكوميديا

الكوميديا
النشاة والدلالة
إعداد التقديم: محمد صولة
إن الحديث عن الكوميديا أو الهزلي هو أصلا حديث مرتبط بالتأطير الأرسطي لها، فتحت عنوان " في الهزلي والكوميديا والفارق بينها وبين التراجيديا"، من كتاب "فن الشعر " لأرسطو طاليس ، نلاحظ أنه يعرف الهزلي (بأنه تشويه ونقص في الطبيعة بغير ألم أو ضرر)، وفي هامش أول من نفس الصفحة ، وهو يفسر الملهاة، يقول بأنها( محاكاة الجانب الذي يثير الضحك في الفعل القبيح أو الصفة القبيحة)، هكذا نجد أن الهزلي أو الملهاة أو الكوميديا ، على الرغم من الفروقات المصطلحية المحددة للنوع بينها، فإنها تصب في حقل واحد هو المسرح، ومع ذلك( فتاريخ الكوميديا وهو تاريخ ناقص، لأن الأخبار قليلة عن نشأتها لعدم الإحتفال لها، فلا نعرف إلا أن الخرافات الكوميدية الأولى ـ أي التأليفات القائمة لا على الهزلي الصادر عن الهجاء، ولكن على الهزلي القائم على عقدة الفعل ـ قد أتى بها رجلان من صقلية عاشا في صرقوسة هما: أفيخارموس و فورميس، وكان أول مؤلف كوميدي في آثينة بهذا المعنى هوأقراطيس)، وبذلك يتضح تاريخ التراجيدياعند أرسطوكاملا، في حين أن الكوميديا أو( الملهاة فنجهل نشأتها لأنها قليلة الشأن غير معتنى بها، والوالي لم يسمح بتقديم جوقة من الممثلين الهزليين إلا متأخرا، وقبل هذا كانوا من المتطوعين ولا يذكر الناس الشعراء المسمين هزليين (كوميديين)إلا منذ أن تكونت للملهاة صورتها)، فهل الكوميديا مرتبطة بالضحك أو الإضحاك، أوأنها شيء آخر؟
لقد تناول الباحثون الضحك من زوايا مختلفة ، فبرغسون استند إلى آلية الحياة واعتبرها مكونا أساسا للضحك، وفرويد درس الضحك باعتباره تفريغاحثيثا لطاقة سيكولوجية، أما لالوفكان عنده (الضحك كفقدان للإنسجام البوليفوني بإنقاص القيمة)، وأشكال الخطاب الهزلي الكوميدي هي:
السخريةIronie.
الفكاهةHumour.
المحاكاة الساخرةParodie.
الهجاءSatire .
إن الكوميديا وإن اقتصرت على تقديم نماذج القاع الإجتماعية، فغنهل لم تكن ذات يوم ساقطة كما يدعي البعض ، بل استطاعت أن تجد لها مكانة إلى جانب التراجيديات العميقة بالنسبة لأفعال النبلاء، وهكذا تشكلت لها وظيفة جوهرية، منها الحكيمة أو المجنونة ، وكلاهما يخدم القضايا الإنسانية النبيلة.
استفدنا في إعداد هذا التقديم من كتاب" فن الشعر" لأرسطو طاليس وكتاب حسن يوسفي"المسرح ومفارقاته".

الحر بالغمزة ...

الحر بالغمزة ...
صندوق الفراجة وضحك الدراري
محمد صولة
Sawla.mohamed@hotmail.com

ضحك بالدارجة وعلاش اللا
واحد المرة قلت ندير تهبلة ، نرمي حوايجي قدام الناس، ونشوف واش غادي يردو ليا عقلي، ساعة هما عاد كملو على ما بيا، وكيف تدير مع كحل الراس إيلا ما ابغى يفهم راسو من رجليه، شوف أنا عارف باللي البوطا إيلا عمرات اكثر من القياس راها تتفرقع، والضرب إيلا زاد على حدو راه يرجع على مولاه، واقيلة نقول لبس قدك يواتيك، أو دير راسك بين الريوس وغوت على شي قطاطعي من هذوك القطاطعية الكبار، يمكن يرد المجاج ليه بشي ضربة النيت ، تكون وافية فالعبار والسومة، إيوا اضحك ، مالك عاقد عبس، واش هذا الكلام واعر ماتيضحك والو، وعلاش عليك ، كاين اللي يضحكك يا ضحيحيك بلا هضرة وبلا شي بوليتيك.
تيقولومن زمان علاش تتمثلو علينا؟ واش التمثيل ساهل حتى لهذا الحد، عند بعضين، شي تيبكي الناس وشي تيضحكهم، شي تيلهيهم على أمور الدنيا وشي تيردهم للصواب، أنا بعدة ماتليت عارف من اللي تيمثل بالصح ،أواللي غير تيكذب، تخلطو لقشاشب والألوان والتفاصل ، وماتلى بنادم يحتاج اللي يوريه الطريق ، ياك بعدة، أنا عارف بعضين لما تيضحكوشكون اللي تيضحكهم وعلاش تيضحكو، ها انت يالضحيحيك ما قديت على ضحكك، ما درت مزية، غير بغيت تضحك وصافي، بلا موجب شرع، بلا والي.
واحد الصعلوك شدوه اصحاب الحال، وقالو ليه: انت خايب من زمان، غادي نردوك بنادم أو نخليو دار بوك، قال ليهم : آش درت ؟ ما كان عندهم جواب، رماوه للثلث الخالي، وحكمو عليه بالإعدام قبل الوقت ، وهو عارف آش دار، طلب منهم يمهلوه مدة يعرف شكون اللي بيه، عطاوه وقت قصيرمعبور، ما صاب مايقول وهو يعورها، المسخوط قال ليهم: وشحال من تخميمة كاينة فالدنيا إيلا كانت موت وحدة،أو ضربة بمقص، ما ضحكتو والو، صعلوك آخر، لما حكمو عليه بالإعدام، قالو ليه: آش يمكن ليك تختار ياهذا بوراس ؟ قال ليهم: تشهيت العنب، ضحكو، وقالو ليه: ماشي وقتوهذا، قال ليهم: واش غادي يوقع إيلا تسنينا .
نهزلو إيلا جات على خاطركم شي شويا ، ولكن خاصنا نفهمو باللي ما حاس بالمزود غير اللي مضروب بيه، ونقولو نديرو شي بركة،واللي ليها ليها، كيف قلت ليكم ، خير وسلام:
واحد الضحكة كانت ناعسة فجوارالبير
وتتبحلس على البكا
منين خرجت ليها من زمان وهي تتزفط
مرة مع راسها
ومرة مع شي بعضين
ياك الحضاية قلشو ليها الودنين
وشحال من مرة بدلو ليها الرجلين
كانت لما تتحصل تتقول:
ضربني وبكى
واسبقني وشكا
كيف كيف
الله ينجينا من شي بعضين
غير شافها السي البكا
وهو يكحل بالعما
هز الضربة بحال ديما
ماعرفوه فين غبر
كان مسكين تيشاطي مع لالة خبيزة
حيث كل مرة تتقول ليه أنا غادة نديك لواحد البلاد
داخلها مرصود وخارجها مفقود
ونهار اللي عول عليها
لقى رسو بحال اللي تيكب الما فالرملة
ماتلى قاد على لجام عقلو ولا هبال الزطلة
ولكن صياد النعام يلقاها يلقاها
غير بالشوية عليك يامول الضحكة الصفرا
وعلاش عليك هذا الضحكة المسرارة
اللي مرشوشة براس الدهليز
اللي ما عارف فين ساير على مولاه
ياكلها فزميطة بيضا، أو يشمها فتقاشر امرا حايضا
نايضة نايضة
عندهم فالكلام اللي ما عندو رتاج
ومافيه غير الغبرا وآرا ما عندك يا هوى
كيخ ... كيخ ... كيخ
بشاخ ...بشاخ ... بشاخ
طرطلاخ ...طرطلاخ ...طرطلاخ
آوه ... آوه ...آوه
ناري راني عييت بالضحك ومنو
وما بقيت قاد نعافرزحام الضحاكة
ومالك؟ وآشنو؟
غسلت يدي منهم شحال
وفركتها بالفراكة
لحقاش ضحكهم بحال الموس
يحسن بلا ما
فريوس اليتامى
وهانا آرا برع دابا
ياك بغيتو غير الضحك بلا قياس
والشطيح حتى يتقاد أو يتهد الساس
إيوا هاك وآرا
وفضحكي أنا كيف الربح كيف الخسارة
وماكاين احزارة .