الحر بالغمزة ...
حجاية حاميها حراميها
محمد صولة
sawlamohamed@hotmail.com
زعما أنا غير بغيت نحماق وصافي
زعما أنا غير بغاوني نسكت هكذا
زعما أنا ماعندي عقل بحال عقلهم
هاهي طاحت وصبناها أو يمكن طاح الحك في الما ولقا قفالتو تما
زعما بغيت نكول حتى تسرقت دار الشيخ عاد حرم السرقة في الدوار
وهذا ما طرا وجرا في ايام السيبة كيف قالوا ناس زمان
ايام ماعندها سمية
يسكنهاالخيال والهبال وزايداها محزمة بالنية
والحاجة مقضية
ولكن هاأنا وهاهما
واللي قال العصيدة باردة يدير يدوفيها
مايمكنش تطلع الزريعة كيف أمها
أولا الما يرجع لمجراه
تيكولوا بلا تلاوي في الهضرة بلا سكوبي
بلاحليلي امساك بلاالنابوبي
هذا الزمان ماتسرج فيه عود ماتركب على شي
ماتديربكلام مزوق من برا وداخلوكلو فرشي
اللي بغاك بغيه واحض راسك من عشير يرشي
أش من صحبة بقات في أيام قل فيها الشي
ياك هذا مرح بنتو ولاخر مرتو واحصل فيها الحبشي
من شحال وهي مايلة وعلاش كلها ماياخذ عمود
يمكن الميال يتسقم يمكن تريب ويبان المقصود
إيه أنا اللي تفكرت اصحابي هذوك اللي بكاوا معاي في جنب البير
كانت اللمة زينة وكان المجمع عندوامليه
أما ليوم كل شي تبدل كل شي اخرج من روندتو كل شي طاح على عين قفاه
هذا ماجنته براقش على أهلها
شاف الربيع ما شاف الحافة
اللي تيحسب بوحدو تيشيط ليه
وبحال إيلا ضربت الكلب باسفنجة
من برا الله الله ومن الداخل عالم بيه الله
واش هو اللي قالو عليه ياكل مع الذيب ويبكي مع السارح
أو يدق ويقول شكون
اولازين لامجي بكري
واقيلة كل ذاك الشي اللي لعباتو المعزة فقرون الجبال تحطو فدار الدباغة
حيت إيلا عطاك العاطي ما تحرث ما تواطي
غير بالمهل يتنكل بو دنجال
هو ماتيسمعشي تيدير اللي فراسو
تيبع القرد وتيضحك على من شراه
وصلاة القياد غير الجمعة والعياد
هذا ما قالوا واللي تيشري صحابو بالفلوس تيبيعوه فابور
حيث اللي حرث الجمل دكو
وباش قتلت باش تموت.
حجاية حاميها حراميها
محمد صولة
sawlamohamed@hotmail.com
زعما أنا غير بغيت نحماق وصافي
زعما أنا غير بغاوني نسكت هكذا
زعما أنا ماعندي عقل بحال عقلهم
هاهي طاحت وصبناها أو يمكن طاح الحك في الما ولقا قفالتو تما
زعما بغيت نكول حتى تسرقت دار الشيخ عاد حرم السرقة في الدوار
وهذا ما طرا وجرا في ايام السيبة كيف قالوا ناس زمان
ايام ماعندها سمية
يسكنهاالخيال والهبال وزايداها محزمة بالنية
والحاجة مقضية
ولكن هاأنا وهاهما
واللي قال العصيدة باردة يدير يدوفيها
مايمكنش تطلع الزريعة كيف أمها
أولا الما يرجع لمجراه
تيكولوا بلا تلاوي في الهضرة بلا سكوبي
بلاحليلي امساك بلاالنابوبي
هذا الزمان ماتسرج فيه عود ماتركب على شي
ماتديربكلام مزوق من برا وداخلوكلو فرشي
اللي بغاك بغيه واحض راسك من عشير يرشي
أش من صحبة بقات في أيام قل فيها الشي
ياك هذا مرح بنتو ولاخر مرتو واحصل فيها الحبشي
من شحال وهي مايلة وعلاش كلها ماياخذ عمود
يمكن الميال يتسقم يمكن تريب ويبان المقصود
إيه أنا اللي تفكرت اصحابي هذوك اللي بكاوا معاي في جنب البير
كانت اللمة زينة وكان المجمع عندوامليه
أما ليوم كل شي تبدل كل شي اخرج من روندتو كل شي طاح على عين قفاه
هذا ماجنته براقش على أهلها
شاف الربيع ما شاف الحافة
اللي تيحسب بوحدو تيشيط ليه
وبحال إيلا ضربت الكلب باسفنجة
من برا الله الله ومن الداخل عالم بيه الله
واش هو اللي قالو عليه ياكل مع الذيب ويبكي مع السارح
أو يدق ويقول شكون
اولازين لامجي بكري
واقيلة كل ذاك الشي اللي لعباتو المعزة فقرون الجبال تحطو فدار الدباغة
حيت إيلا عطاك العاطي ما تحرث ما تواطي
غير بالمهل يتنكل بو دنجال
هو ماتيسمعشي تيدير اللي فراسو
تيبع القرد وتيضحك على من شراه
وصلاة القياد غير الجمعة والعياد
هذا ما قالوا واللي تيشري صحابو بالفلوس تيبيعوه فابور
حيث اللي حرث الجمل دكو
وباش قتلت باش تموت.
